Turkmaniston prezidenti ham O‘zbekistonga keldi
“Toshkent-Humo” xalqaro aeroportida Serdar Berdimuhamedovni prezident Shavkat Mirziyoyev kutib oldi. Ikki davlat yetakchilari suhbat o’tkazdilar.
O‘zbekiston Respublikasi Prezidenti Shavkat Mirziyoyevning taklifiga binoan Turkmaniston Prezidenti Serdar Berdimuhamedov davlat tashrifi bilan mamlakatimizga keldi. “Toshkent-Humo” xalqaro aeroportida oliy martabali mehmonni davlatimiz rahbari kutib oldi.
“Toshkent-Humo” xalqaro aeroportida O‘zbekiston Prezidenti Shavkat Mirziyoyev va davlat tashrifi bilan mamlakatimizga kelgan Turkmaniston Prezidenti Serdar Berdimuhamedov suhbat o‘tkazdilar.
Muloqot chog‘ida davlat rahbarlari bir-birlarini qutladilar va ikki tomonlama munosabatlarning dolzarb masalalari yuzasidan fikr almashdilar.
So‘ng Turkmaniston Prezidentini rasmiy kutib olish marosimi boshlandi.
