Biznesni rivojlantirish banki yordamchi agentlari – tanlovida yetakchi bo‘lmoqda
O‘zbekistonda Markaziy bank tomonidan eʼlon qilingan “Eng yaxshi yordamchi-agent” tanlovi o‘zining qizg‘in pallasiga kirdi.
O‘zbekiston Respublikasi Markaziy banki tomonidan eʼlon qilingan “Eng yaxshi yordamchi-agent” tanlovi 4 bosqichda o‘tkazilmoqda va har bir bosqich uchun alohida shartlar belgilangan. Xususan, dastlabki – saralash bosqichida respublikamizdagi 9008 ta mahallalarda faoliyat ko‘rsatayotgan 624 nafar, yaʼni jami 208 ta tuman va shaharlarning har biridan 3 tadan Yordamchi-agent saralab olingan edi.
Eʼtiborlisi, ilk bosqichda “Biznesni rivojlantirish banki”da faoliyat ko‘rsatayotgan 614 nafar yordamchi-agentlardan 374 nafari yoki 61 foizi ishtirok etib, o‘ziga xos faollik ko‘rsatishdi. Zero ilk bosqich natijalariga ko‘ra, 37 ta tumandagi bankning 54 nafari yordamchi-agentlari 2-bosqichga o‘tdi.
Xususan, dastlabki saralash bosqichida Yangiyo‘l shahri va Kogon tumanidan tanlangan nomzodlarning 3 tadan 3 tasi ham “Biznesni rivojlantirish banki” yordamchi-agentlari bo‘lgan bo‘lsa, Andijon shahri, Qo‘rg‘ontepa tumani, Xo‘jaobod tumani, Buxoro shahri, Buxoro tumani, Kogon shahri, Yangiobod tumani, Navoiy shahri, Konimex tumani, Kattaqo‘rg‘on shahri, Ohangaron shahri, Yangiyo‘l tumani va Bo‘stonliq tumanidan tanlangan nomzodlarning 3 tadan 2 tasi “Biznesni rivojlantirish banki” vakillari bo‘lishdi.
2 - tuman (shahar) bosqichida esa, saralab olingan jami 624 nafar yordamchi agentlar belgilangan mavzular bo‘yicha targ‘ibot ishlarini tashkillashtirib, keyingi bosqichga yo‘llanma olish uchun bellashdi hamda respublika bo‘yicha 208 ta tuman(shahar)ning har biridan 1 nafardan g‘olib, jami 208 nafar yordamchi-agent tanlab olindi.
Shu kunlarda tanlovning uchinchi – viloyat bosqichi ham muvaffaqiyatli o‘tkazildi. “Biznesni rivojlantirish banki” sharafini ushbu bosqichda jami 21 nafar yordamchi agent himoya qildi.
Quvonarlisi, ushbu bosqich yakunlariga ko‘ra, Andijon, Toshkent viloyatlarida birinchi va ikkinchi o‘rinlar; Farg‘ona, Namangan, Sirdaryo hamda Jizzax viloyatlarida birinchi o‘rin, Qoraqalpog‘iston Respublikasi va Buxoro viloyatida ikkinchi, shuningdek Samarqand viloyatida to‘rtinchi o‘rinlarni aynan “Biznesni rivojlantirish banki” yordamchi-agentlari zabt etishdi. Shu tariqa ilk bor tashkil etilaayotgan ushbu nufuzli tanlovining Respublika bosqichida jami 11 nafar vakil bank nomidan ishtirok etishadi.
Hozirda respublika bosqichida qatnashish imkoniyatini qo‘lga kiritgan yordamchi agentlar tayyorgarlikni boshlab yuborishdi.
Bank axborot xizmati
