Rossiyada o‘zbekistonlik yigit urushga borishga majburlangani aytilmoqda
U aeroportda ushlab qolingan va o‘g‘irlikda ayblanib hibsga olingan.
2002 yilda tug‘ilgan farg‘onalik yigit juma kuni Rossiyaning Sankt-Peterburg aeroportida aviaparvozdan ushlab qolingani, u yerda kurtkasining cho‘ntagiga soat solib qo‘yilgani va o‘g‘irlikda ayblab qo‘lga olingani aytilmoqda. Bu haqida Facebook ijtimoiy tarmog‘ining “Farhod Temirtirnoq” ismli foydalanuvchisi yozmoqda.
Uning maʼlum qilishicha, dam olish kunlari bo‘lgani uchun tegishli tashkilotlarga aloqaga chiqish imkoni bo‘lmagan. Hozirda u Peterburgdagi migrantlarni vaqtincha saqlash markazida va unga advokat va tarjimon yordamlari ko‘rsatilmagan. Dushanba kuni sud bo‘lishi aniqligi va allaqachon unga yo 5 yilgacha qamoq yoki Ukrainadagi urushda qatnashishga rozilik so‘ralgan.
Qo‘shimcha qilinishicha, Farg‘ona viloyatining O‘zbekiston tumani Elash va Go‘shtqishloq qishloqlariga urushda halok bo‘lgan 4 nafar vatandoshlarimizning jasadlari olib kelingan.
