Emirates Airlines samolyotlari Starlink interneti bilan jihozlanadi
Bu orqali barcha parvoz sinflaridagi yo‘lovchilar bepul internetga ulanish imkoniyatiga ega bo‘ladi.
Emirates Airlines aviakompaniyasi o‘z samolyot parkini ikki yil ichida Starlink interneti bilan jihozlash rejasini e’lon qildi. Ushbu xizmat SpaceX kompaniyasi tomonidan taqdim etiladigan sun’iy yo‘ldosh aloqasi orqali amalga oshiriladi. Ulanish imkoniyati 232 ta samolyotga, jumladan Boeing 777 va Airbus A380 turlariga taqdim etiladi.
Birinchi Boeing 777 samolyoti allaqachon yangi avlod sun’iy yo‘ldosh tizimi bilan jihozlangan bo‘lib, Dubai Airshow ko‘rgazmasida namoyish etildi. Airbus A380 samolyotlariga esa 2026-yil fevral oyida uskunalarni o‘rnatish ishlari boshlanadi. Har oy taxminan 14 ta samolyot modernizatsiya qilinadi.
Barcha parvoz sinflaridagi yo‘lovchilar bepul internetga ulanishlari mumkin. Ulanish samolyotdagi tizimlar va shaxsiy qurilmalar orqali amalga oshiriladi. Starlink orqali video qo‘ng‘iroqlar, video oqimlar, katta hajmdagi fayllarni yuklab olish va onlayn xaridlarni amalga oshirish imkoniyati yaratiladi. Bu parvoz davomida ish va ko‘ngilochar faoliyatni yanada qulay qiladi.
Shu bilan birga, avgust oyida kompaniya xavfsizlik qoidalarini yangilab, bordingizda bir nechta quvvat bankidan foydalanishni chekladi: parvoz davomida faqat bitta quvvat banki ishlatilishi mumkin, lekin u qurilmalarni zaryadlash uchun mo‘ljallanmagan.
