Qozog‘istonda yong‘in oqibatida 12 kishi, jumladan 9 bola vafot etdi
Prezident Qosim-Jomart To‘qayev yong‘in oqibatida halok bo‘lganlarning yaqinlariga chuqur hamdardlik bildirdi.
Qozog‘istonning Turkiston viloyati, Jetisoy tumanidagi Alg‘abas qishlog‘idagi ikki qavatli uyda sodir bo‘lgan yong‘in oqibatida 12 kishi, jumladan 9 bola vafot etdi. Bu haqda viloyat Favqulodda vaziyatlar boshqarmasi ma’lum qildi.
Yong‘in haqida xabar tushishi bilan favqulodda vaziyatlar xizmatlari voqea joyiga yetib borgan. Ularning tezkor harakatlari natijasida hushsiz holatda bo‘lgan 3 nafar fuqaro evakuatsiya qilinib, tez yordam brigadasiga topshirilgan. Ichkaridan 12 kishi, jumladan 9 bolaning jasadlari topilgan.
Hozirda favqulodda xizmatlar voqeani bartaraf etish va yong‘in sabablarini aniqlash ishlarini olib bormoqda. Surishtiruv ishlari boshlangan.
Qozog‘iston Prezidenti Qosim-Jomart To‘qayev Turiston viloyatidagi yong‘in oqibatida halok bo‘lganlarning yaqinlariga chuqur hamdardlik bildirdi.. Prezident matbuot xizmati ma’lumotiga ko‘ra, hukumat va Turkiston viloyati hokimligiga yaqin oila a’zolariga barcha zarur yordam ko‘rsatish hamda fojia sabablarini o‘rganish bo‘yicha topshiriq berildi.
