Rossiyada o'zbekistonlik erkakni do‘pposlab, itga tishlatgan erkak qamaldi
Jabrlanuvchi bosh miya jarohati olgan, hujumchilardan biri esa qochib ketgan.
Omsk viloyati sudi o‘zining uyi hududiga kirgan o‘tkinchini kaltaklagan va ustiga itini qo‘yib yuborgan mahalliy fuqaroga nisbatan hukm chiqardi. Bu haqda viloyat prokuraturasi matbuot xizmati ma’lum qildi.
Sud materiallariga ko‘ra, 2023-yil 9-iyulga o‘tar kechasi O‘zbekistondan bo‘lgan 36 yoshli erkak taksi chaqirishda yordam so‘rab, hovliga kirgan. Uy egasi uni tayoq bilan urib, bir necha bor tepkilagan. Shuningdek, uning yonida ishlovchi chet ellik ishchi ham hujumga qo‘shilgan. Jabrlanuvchi qochishga harakat qilganida, uy egasi itini qo‘yib yuborgan. It jabrlanuvchini kamida 20 marta tishlagan.
Voqea natijasida erkak bir nechta og‘ir tan jaroh atlari, jumladan bosh suyagi sinishi bilan shifoxonaga yotqizilgan.
Sud jinoyatchini “bir guruh shaxslar tomonidan qasddan og‘ir tan jarohati yetkazish” moddasi bo‘yicha aybdor deb topdi. U 4 yilga qattiq tartibli koloniyaga ozodlikdan mahrum etildi hamda jabr ko‘rgan shaxsga 500 ming rubl miqdorida ma’naviy zarar tovonini to‘lashga majbur qilindi.
Sudlanuvchining apellyatsiya shikoyati rad etildi, hukm o‘z kuchida qoldirildi. Hujumda ishtirok etgan sherik qochib ketgan va hozirda qidiruvda.
