Toshkentda seysmik faol hududlar ro'yxati e'lon qilindi
Mutasaddilar ma’lumotiga ko‘ra, mazkur hududlarda 8–9 balligacha bo‘lgan zilzilalar kuzatilishi mumkin.
Toshkent shahrining bir qator hududlari yuqori seysmik xavf zonasiga kiritildi. Mutasaddi idoralar ma’lumotiga ko‘ra, mazkur hududlarda 8–9 balligacha bo‘lgan zilzilalar kuzatilishi ehtimoli mavjud.
E’lon qilingan ro‘yxatga ko‘ra, poytaxtning quyidagi tumanlari yuqori xavfli seysmik hududlar sifatida baholangan:
- Chilonzor tumani
- Uchtepa tumani
- Shayxontohur tumani
- Olmazor tumani
- Yakkasaroy tumani
- Yunusobod tumani
Ushbu hududlarda joylashgan turar-joy va noturar-joy binolari 8–9 ball kuchdagi zilzilalarga bardosh beradigan talablarga mos ravishda qurilishi shart etib belgilangan.
Mutaxassislar aholiga bunday ma’lumotlarni vahima bilan qabul qilmaslikni, biroq favqulodda holatlar uchun tayyor bo‘lishni tavsiya qilmoqda.
