O‘zbekiston 2025-yilgi jahon IQ reytingida 97-o‘rinni egalladi
Markaziy Osiyoda Qozog‘iston eng yuqori natija ko‘rsatdi.
Worldwide IQ — dunyodagi eng yirik test agregatorlaridan biri — mamlakatlar bo‘yicha 2025-yilgi o‘rtacha intellekt ko‘rsatkichlari reytingini e’lon qildi. Yangilangan ro‘yxatda O‘zbekiston 111 ta davlat orasida 97-o‘rinni egalladi. Mamlakatning o‘rtacha IQ ko‘rsatkichi 92,2 ball bo‘lib, bu jahon o‘rtacha ko‘rsatkichi bo‘lgan 100 balldan past.
Reytingda yetakchi uchlikni Yaponiya (112,20 ball), Xitoy (111,74 ball) va Tayvan (111,19 ball) egalladi. Yevropa davlatlari orasida eng yuqori natija Vengriyaga tegishli — 111,06 ball bilan u to‘rtinchi o‘rinda qayd etildi.
MDH davlatlari ichida Rossiya, Armaniston, Belarus va Ozarbayjon nisbatan yuqori natijalarni qayd etgan. Markaziy Osiyo mamlakatlari kesimida esa Qozog‘iston 88-o‘rinni (95,49 ball), Tojikiston 95-o‘rinni (94,11 ball), Qirg‘iziston esa 105-o‘rinni (92,29 ball) egalladi.
Reytingda Ukrainaning ko‘rsatkichi 94,99 ballni tashkil etib, mamlakat o‘tgan yilgi 75-o‘rindan 90-o‘ringa pastlagan. Undan keyingi o‘rinlarda Ummon, Keniya va Efiopiya qayd etilgan.
