Sirdaryoda soliqdan qarzdor fermerning mashinasi xatlandi
Hozirda uni auksion savdosiga chiqarish choralari ko‘rilmoqda.
Majburiy ijro byurosining Guliston tuman bo‘limi tomonidan, Sirdaryo viloyati soliq boshqarmasi qarorlariga asosan qarzdor fermer xo‘jaligidan jami 59 mln so‘m soliq qarzini undirish to‘g‘risidagi 8 ta ijro hujjati bo‘yicha ijro harakatlari olib borilgan.
Ijro hujjatlari talabini belgilangan muddatda ixtiyoriy ravishda bajarish yuzasidan davlat ijrochisi tomonidan qarzdor rasman ogohlantirilib, tushuntirish ishlari olib borilgan.
Biroq, belgilangan muddatda qarzdorlik bartaraf etilmaganligi sababli, qarzdor fermer xo‘jaligiga tegishli “Volswagen” rusumli avtomashina xatlanib, jarima maydoniga joylashtirilgan.
Hozirda mazkur avtotransport vositasini baholatib, auksion savdosiga chiqarish choralari ko‘rilmoqda.
