UNICEF: Dunyo bo‘yicha 417 million bola qashshoqlik chegarasida yashamoqda
Eng yuqori ko‘rsatkichlar Afrika va Janubiy Osiyoda qayd etilgan.
BMTning Bolalar jamg‘armasi — UNICEF tomonidan e’lon qilingan yillik hisobotga ko‘ra, hozirda butun dunyo bo‘yicha qariyb 417 million bola qashshoqlik chegarasida yashaydi deydi Oxu.az nashri.
Tahlillarda qayd etilishicha, 118 million bola uch yoki undan ortiq, 17 million bola esa to‘rt va undan ko‘p turdagi muhim ehtiyojlardan mahrum holda hayot kechirmoqda.
Hisobotda ta’kidlanishicha, toza ichimlik suvi, profilaktik tibbiy xizmatlar, sifatli ta’lim kabi asosiy ehtiyojlarning yetishmasligi millionlab bolalarni chuqur qashshoqlikka olib kelmoqda. Bu esa past va o‘rta daromadli davlatlarda har beshinchi bola og‘ir sharoitlarda yashayotganini anglatadi.
UNICEF ma’lumotlariga ko‘ra, bolalar o‘rtasidagi eng yuqori darajadagi qashshoqlik Janubiy-Sharqiy Afrika va Janubiy Osiyo mintaqalarida kuzatilmoqda.
Shu bilan birga, hisobotda so‘nggi o‘n yillikda ayrim ijobiy o‘zgarishlar ham qayd etilgan: 2013-yilda bolalarning 51 foizi kamida bitta og‘ir mahrumlikka duch kelgan bo‘lsa, 2023-yilga kelib bu ko‘rsatkich 41 foizgacha kamaygan. UNICEF buni bolalar huquqlarini himoya qilish va ijtimoiy qo‘llab-quvvatlashni kuchaytirish borasidagi chora-tadbirlarning natijasi sifatida baholaydi.
