Toshkentda mobil ekologik laboratoriyalar kuchaytirilgan rejimda ishlamoqda
Poytaxtdagi havo sifati 24 soat davomida monitoring qilinmoqda.
Toshkent shahrida atmosfera havosini doimiy nazorat qilish uchun mobil ekologik laboratoriyalar faoliyati kuchaytirildi. Poytaxtning barcha tumanlarida 24 soat davomida havo ifloslanishi monitoring qilinmoqda.
Mazkur laboratoriyalar Ekologiya va iqlim o‘zgarishi milliy qo‘mitasi huzuridagi “Atrof-muhitni muhofaza qilish sohasida ixtisoslashgan analitik nazorat markazi” tomonidan tashkil etilgan bo‘lib, Yunusobod tumanidagi "Turkiston" metro bekati atrofidagi hudud ham nazorat qilinmoqda.
Ekologiya qo‘mitasi tomonidan havo sifatini yaxshilash maqsadida tezkor shtab faoliyat yuritmoqda. Aniqlangan ifloslanish manbalari tegishli tashkilotlarga yetkazilib, zarur chora-tadbirlar ko‘rilmoqda, shuningdek, qo‘mita poytaxtdagi ekologik vaziyatni yaxshilash bo‘yicha hamkorlikni davom ettirmoqda.
