Ilon Mask boshchiligida tuzilgan DOGE butunllay tarqatib yuborildi
Tramp tuzgan hukumat samaradorligi departamenti muddati tugamasdan yopildi.
AQSh prezidenti Donald Tramp tomonidan tuzilgan Hukumat samaradorligi departamenti — DOGE, o‘z faoliyatini yakunlashiga sakkiz oy qolgan bo‘lsa-da, bekor qilindi. Dastlab byurokratiyani qisqartirish va davlat xarajatlarini kamaytirish maqsadi bilan katta shov-shuv bilan ish boshlagan loyiha kutilgan natijani bermagani aytilmoqda.
OPM rahbari Skott Kuporning aytishicha, DOGE endi “markazlashgan tuzilma sifatida mavjud emas” va uning vazifalarining ko‘pi xodimlar boshqarmasi zimmasiga o‘tgan. Ilgari DOGE tarkibida ishlagan bir nechta mutaxassislar esa endi Dzho Gebbiya boshchiligidagi Milliy dizayn studiyasida hukumat saytlarini yaxshilash ustida ishlayapti.
DOGE milliardlab mablag‘larni tejashini va’da qilgan bo‘lsa-da, mustaqil ekspertlar bu raqamlarni tasdiqlashning imkoni bo‘lmaganini aytishgan. Trampning o‘zi ham, Elon Mask kabi hamkorlar ham bu tashabbusga faol reklama bergan edi. Mask hatto bir konferensiyada “byurokratiyani kesish” ramzi sifatida zanjirsimon arra ko‘tarib chiqishi bilan esda qolgan.
Shu bilan birga, DOGE jamoasining ko‘p a’zolari boshqa davlat idoralariga o‘tib ketgan. Hukumatdagi ishga qabul qilish bo‘yicha cheklovlar ham tugatilgan. Shunga qaramay, ayrim respublikachilar boshqaruvidagi shtatlarda DOGEga o‘xshash lokal tuzilmalar hali ham yaratilmoqda.
