Ukraina-Rossiya mojarosi uchun sulh rejasining to‘liq varianti eʼlon qilindi
Hujjat chagaraviy va siyosiy bie necha bandlarni o'z ichiga oladi.
Ijtimoiy tarmoqlarda tarqalgan matnga ko‘ra, taklif etilayotgan reja Krim, Donetsk va Luganskni amalda Rossiya hududlari sifatida tan olishni, Xerson va Zaporijjya hududlarini esa kontakt chizig‘i bo‘ylab “muzlatilgan” holatda qoldirishni nazarda tutadi. Hujjatda shuningdek hududning ayrim qismlari demilitarizatsiyalangan bufer zonasiga aylantirilishi va tomonlarning chegaralarni kuch bilan o‘zgartirmaslikka va’dalari qayd etilgan.
Harbiy bandlarda Ukraina Qurolli Kuchlari sonini 600 ming kishiga cheklash va NATO kuchlarini mamlakat hududida joylashtirmaslik kabi talablar bor. Rejada, shuningdek, NATOning aviatsiyasi Polshada joylashganligi va AQSh–NATO–Rossiya xavfsizlik muloqoti, shu jumladan AQSh-Rossiya ishchi guruhi tashkil etilishi ko‘zda tutilgan. Hujjat Rossiyaning Ukrainaga va Yevropaga qarshi tajovuz qilmaslikka doir qator siyosiy majburiyatlarini ham rasmiylashtirishni ko‘rsatadi.
Iqtisodiy blok bo‘yicha takliflarda AQSh va Yevropa Ukraina tiklanishiga katta miqdorda investitsiyalar ajratadi; muzlatilgan Rossiya aktivlaridan katta summalar Ukraina tiklanishiga yo‘naltiriladi va ayni paytda Rossiyaga bosqichma-bosqich sanksiyalarni bekor qilish, G8ga qaytish va uzoq muddatli iqtisodiy hamkorlik imkoniyatlari ham tilga olingan. Hujjatda amalga oshirish mexanizmi sifatida imzolanganidan keyin monitoringni Donald Tramp boshchiligidagi “Tinchlik Kengashi” amalga oshirishi taklif qilingan.
Eslatib o‘tamiz, bu variant ijtimoiy tarmoqlarda tarqalgan va uning rasmiy tasdiqlanganligi yoki tomonlar tomonidan qabul qilinganligi haqida mustaqil manbalar tasdiqlamagan. Taklif jiddiy siyosiy, harbiy va xalqaro huquqiy oqibatlarga ega bo‘lishi mumkin, shuning uchun bunday hujjatning kelib chiqishi va rasmiy maqomi bo‘yicha tasdiqlangan manbalardan tekshirish muhim.
