Jizzaxda MIB orqali ikki farzand onasi bag‘riga qaytarildi
Majburiy ijro harakatlari Sharof Rashidov tumanida amalga oshirilgan.
Ona ruhan sog‘lom, qalban pok va maʼnaviy mustahkam bo‘lsa, undan farzandni ajratish – uning jonini ikkiga bo‘lish bilan barobar. Chunki ona bilan bola o‘rtasidagi rishta – qonun yoki hujjat bilan emas, balki ilohiy muhr bilan bog‘langan. Bu rishtani zo‘rlik bilan uzish – qalbga bitmaydigan jarohat qoldirish demakdir.
Shu maʼnoda, sud qarorlarini amalga oshirish doirasida Byuroning Sharof Rashidov tumani davlat ijrochilari tomonidan ko‘rilgan aniq va qatʼiy choralar natijasida ikki nafar bolaning yana ona bag‘riga qaytgani – nafaqat ijro intizomining, balki insonlikning ham g‘alabasidir.
Ona – jasoratning, matonatning va beqiyos mehrning timsoli. U oilasi uchun, farzandining bir qatra ko‘zi yoshi uchun ham dunyo bilan bahsga kirishadi.
