Nukusda ota 110 mln so‘m aliment qarzini to‘ladi
Uning chetga chiqish huquqi cheklangach, qarzni to‘lashga majbur bo‘lgan.
Majburiy ijro byurosi Nukus shahar bo‘limi ish yurituvida mavjud bo‘lgan, Fuqarolik ishlari bo‘yicha Nukus tumanlararo sudining 2022-yil 11-mart kungi ijro hujjatiga asosan undiruvchi X.G.ning foydasiga tarbiyasidagi bir nafar farzandining taʼminoti uchun, qarzdor Yu.A.dan uning har oydagi jami daromadining 1/4 qismi miqdorida aliment undirish belgilangan.
Qarzdor aliment pullarini o‘z vaqtida to‘lab kelmaganligi oqibatida uning sobiq turmush o‘rtog‘i oldidagi qarzdorligi 110 mln so‘mdan oshib ketgan.
Shu sababli, bo‘lim davlat ijrochisi tomonidan qarzdorning O‘zbekiston Respublikasidan chiqish huquqiga cheklov o‘rnatilib, uni maʼmuriy javobgarlikga tortish maqsadida tegishli tartibda hujjatlar rasmiylashtirilgan.
Shuning natijasida qarzdor joriy yilning 21 noyabr kuni Byuroning Nukus shahar bo‘limiga kelib 110 mln. so‘m qarzdorlikni undiruvchining bank plastik kartasiga o‘tkazib bergan.
