Ellikqalʼada “zamdirektor” MIB orqali ishiga qaytdi
U maktabda asossiz ravishda ishdan bo‘shatilgan bo‘lgan.
Fuqarolik ishlari bo‘yicha Beruniy tumanlararo sudining ijro hujjatiga asosan asossiz ravishda ishdan bo‘shatilgan, daʼvogar K.A.ni Ellikqalʼa tumani 17-sonli davlat maktabgacha taʼlim bo‘limining direktor o‘rinbosari lavozimida ishga tiklash belgilangan.
Shunga qaramasdan, javobgar Ellikqalʼa tumani 17-sonli davlat maktabgacha taʼlim bo‘limi tomonidan ushbu sud qarori ijrosi taʼminlanmagan.
Shu sababli, daʼvogar Majburiy ijro byurosi Ellikqalʼa tumani bo‘limiga sud qarori ijrosini taʼminlab berishni so‘rab murojaat qilishga majbur bo‘lgan.
Byuroning Ellikqalʼa tumani bo‘limi tomonidan darhol ijro harakatlariga kirishilib, javobgar tashkilot rahbariga sud qarori ijrosini taʼminlamaslik qonunda belgilangan javobgarlikka asos bo‘lishi haqida ogohlantirish berilgan.
Shuning natijasida, daʼvogar K.A. Ellikqalʼa tumani 17-sonli davlat maktabgacha taʼlim bo‘limi boshlig‘ining buyrug‘iga asosan o‘zining avvalgi ish o‘rniga joriy yilning 28 oktyabr kuni qayta ishga tiklangan.
