Eron 2026‑yilgi Jahon chempionati qurʼasiga baykot e'lon qildi
AQSh tomonidan delegatsiya a’zolariga viza berilmasligi sababli Eron futbol federatsiyasi qurʼa marosimida ishtirok etmaslikka qaror qildi.
Eron terma jamoasi 2026‑yilgi FIFA Jahon chempionati qurʼa marosimida qatnashmaydi. Bu qaror AQShning delegatsiya a’zolariga viza berishdan bosh tortishi sababli qabul qilindi. Eron futbol federatsiyasi rasmiylari bu holatni sportga aloqasi yo‘q siyosiy vaziyat deb baholadi.
Federatsiya matbuot kotibi Amir Mehdi Alavi bayonotida, qurʼa marosimida qatnashmaslik “sportga oid emas, balki siyosiy masala” ekanini ta’kidladi. Shuningdek, u AQSh hukumatining ayrim delegatsiya a’zolariga viza berishi, boshqalarini rad etishi adolatsiz deb e’tirof etilganini bildirdi.
Ma’lumotlarga ko‘ra, faqat bosh murabbiy Amir Ghalenoei va yana bir nechta delegatsiya a’zolari viza olishgan. Shu sababli, Eron butun delegatsiya bilan qurʼa marosimidan voz kechdi va FIFAga bu holatni rasmiy ravishda bildirdi. 2026‑yilgi Jahon chempionati AQSh, Kanada va Meksikoda bo‘lib o‘tadi.
