Farg‘onada “Moskvich” avariyaga uchrab, ikkiga bo‘linib ketdi
YXHB haydovchilarning ahvoli haqida maʼlumot berdi.
Farg‘ona viloyatining Bag‘dod tumanida “Moskvich” yo‘l-transport hodisasiga uchrab, ikkiga bo‘linib ketdi. Holat yuzasidan viloyat IIB YHXB rasmiy maʼlumot berdi.
Qayd etilishicha, hodisa 28 noyabr kuni soat 15:00 larda Bag‘dod tumani “Chuvalanchi” MFY hududidan o‘tgan yo‘lda yuz bergan. Yo‘lning belgilanmagan qismidan ortga qayrilishni amalga oshirayotgan “Moskvich 412” avtomobiliga uning ortidan harakatlanib kelayotgan “Neksiya-2” rusumli avtomobil kelib urilishi natijasida yo‘l-transport hodisasi sodir bo‘lgan.
Yo‘l-transport hodisasi oqibatida transport vositalari jiddiy shikastlangan, xar ikkala avtomobil haydovchilari yengil tan jrohati olgan.
Hozir ushbu holat yuzasidan Bag‘dod tumani IIB YHXG tomonidan tergovga qadar tekshiruv harakatlari olib borilmoqda.
