Ichki ishlar vazirligida Qo‘riqlash departamenti tashkil etildi
Shu tariqa Qo'riqlash xizmati Milliy gvardiyadan Ichki ishlar vazirligiga o‘tkazildi.
Kecha, 28-noyabr kuni “Ichki ishlar organlarining qo‘riqlash sohasidagi faoliyatini amarali tashkil etish chora-tadbirlari to‘g‘risida”gi Prezident qarori qabul qilindi.
Milliy gvardiyasi Qo‘riqlash bosh boshqarmasi Ichki ishlar vazirligi huzuridagi Qo‘riqlash departamenti etib qayta tashkil etilgan.
Qarorga ko‘ra, Departament va uning bo‘linmalari zimmasiga quyidagi asosiy vazifalar yuklatiladi, jumladan:
- shartnoma asosida davlat, o‘ta muhim, toifalangan va boshqa obyektlar, taʼlim muassasalari, jismoniy va yuridik shaxslarning mol-mulki, savdo, xizmat ko‘rsatish, ko‘ngilochar va qurilish obyektlarini zamonaviy usullar orqali qo‘riqlash;
- qo‘riqlanayotgan obyektlarda ichki tartib va nazorat o‘tkazish rejimlarini taʼminlash;
- qo‘riqlash faoliyatiga zamonaviy axborot-kommunikatsiya va sunʼiy intellekt texnologiyalarini keng joriy etish.
2026 yil 1 yanvardan qo‘riqlovga olingan banklar, yirik ishlab chiqarish korxonalari, mahalliy hokimliklar va boshqa obyektlarning fuqarolar kirish va chiqish joylariga bosqichma-bosqich shaxsning yuzini tanib olish imkoniyatiga ega texnik vositalar o‘rnatiladi.
