Qaynopasiga taʼzim qilmagan kelin ishi sudga oshirildi
Nizo oila aʼzolari o‘rtasida bir necha kun davom etgani aytilmoqda.
Qozog‘istonning Jambil viloyatida to‘y marosimi paytida kelinning qaynopasiga anʼanaviy taʼzim qilmasligi bilan bog‘liq mojaro sudgacha yetdi. Bu voqea mahalliy axborot vositalarida katta muhokamaga sabab bo‘ldi.
To‘y marosimi davomida kelindan qaynopasiga taʼzim qilish – ayrim hududlarda hali ham uchraydigan urf-odatlardan biri. Mazkur holatda kelin bu amalni bajarmagani qaynota-qainopa tomonidan “hurmatsizlik” sifatida qabul qilingan va o‘zaro tortishuv kelib chiqqan. Nizo oila aʼzolari o‘rtasida bir necha kun davom etgani aytilmoqda.
Mojaro chuqurlashgani sababli er-xotin o‘rtasida ham kelishmovchilik paydo bo‘lgan. Maʼlumotlarga ko‘ra, masala Juali tumani sudida ko‘rib chiqilgan. Sud jarayonida er o‘z xatosini tan olgani, xotinidan kechirim so‘ragani va tinch yo‘l bilan hal qilishni taklif etgani qayd etilgan.
Sud tomonlarning kelishuvini maʼqullab, ishni yakunlagan.
