CITES CoP20 doirasida daraxt ekish aksiyasi tashkil etildi
Tadbirda 200 ga yaqin delegat ishtirok etdi, 1,5 gektar maydonga mingdan ortiq ko‘chat ekildi.
CITES CoP20 konferensiyasi doirasida o‘tkazilgan ekologik aksiyada 200 ga yaqin delegatlar hamda xalqaro tashkilotlar vakillari ishtirok etdi. Tadbir davomida 1,5 gektar maydonda mahalliy iqlim sharoitiga mos turli daraxt ko‘chatlari o‘tqazildi. Bu haqda Zamon.uz muxbiri xabar bermoqda.
Aksiya doirasida 60 ta pavloniya, 100 ta qarag‘ay, 20 ta chinor, 20 ta qayrag‘och, 20 ta yasin, 30 ta mevali daraxt hamda 750 ta katalpa ko‘chati ekildi. Tashkilotchilar bu tashabbus ekologik barqarorlikni mustahkamlashga xizmat qilishini ta’kidladi.
Ma’lumotlarga ko‘ra, O‘zbekistonda xalqaro tadbirlar davomida daraxt ekish an’anaga aylangan. Yaqinda YUNESKOning 80 yilligiga bag‘ishlab tashkil etilgan “Yashil bog‘” loyihasi doirasida ham ko‘plab ko‘chatlar o‘tqazilgandi.
