Farg‘onada erkak o‘z ayoli va ikki farzandini o'ldirdi

Farg‘ona viloyati Quva tumanida 34 yoshli erkak o‘z turmush o‘rtog‘i va voyaga yetmagan ikki farzandining hayotiga suiqasd qilgani ma’lum bo‘ldi. Bu haqda Bosh prokuratura axborot xizmati rahbari Hayot Shamsutdinov xabar bergan. Voqea 29-noyabr kuni sodir bo‘lgan.

 

Rasmiy ma’lumotlarga ko‘ra, 31 yoshli ayol hamda 5 yoshli qiz va 1 yoshli o‘g‘il otasi tomonidan qasddan o‘ldirilgan. Erkak protsessual tartibda ushlanib, unga nisbatan jinoyat ishi qo‘zg‘atilgan. Hozirda tergov harakatlari olib borilmoqda.

 

So‘nggi oylar davomida oilaviy nizolar oqibatida sodir bo‘lgan og‘ir jinoyatlar mamlakatning turli hududlarida qayd etilgan. Samarqandda meros bo‘lish masalasi ortidan opasini o‘ldirgan aka-ukalar 15 yilga qamalgan, Namanganda esa erini pichoqlab o‘ldirgan ayolga 10 yil ozodlikdan mahrum qilish jazosi tayinlangandi.