Ukraina va AQSh delegatsiyalari Floridada tinchlik muzokaralarini o‘tkazdi
Rubio muzokaralar natijalarini ijobiy baholab, tinchlikka erishish uchun hali ko‘p ish qilish lozimligini ta’kidladi.
AQShning Florida shtatida Ukraina va Amerika delegatsiyalari o‘rtasida Ukrainadagi urushni tugatish va uzoq muddatli xavfsizlikni ta’minlash bo‘yicha muzokaralar bo‘lib o‘tdi. Tomonlar uchrashuvni samarali va mazmunli deb baholadi deb xabar berdi dw.com nashri.
AQSh Davlat kotibi Marko Rubio muzokaralar natijalarini ijobiy baholab, tinchlikka erishish uchun hali ko‘p ish qilish lozimligini ta’kidladi. U kelishuvdagi bahsli masalalarni hal qilishda Rossiya muhim rol o‘ynashi kerakligini qayd etdi.
Ukraina delegatsiyasi rahbari Rustem Umerov muzokaralarni samarali va muvaffaqiyatli deb atadi, shuningdek, Ukraina prezidenti Vladimir Zelenskiyga AQSh bilan pozitsiyalarning yaqinlashgani haqida hisobot berganini bildirdi. Umerovning ta’kidlashicha, Amerika tomoni Ukraina xavfsizligi, suvereniteti va mustahkam tinchlikni ta’minlashdagi asosiy maqsadlariga sherik bo‘lmoqda.
Muzokaralar davomida tomonlar urushni tugatish, xavfsizlikni mustahkamlash, hamda Ukrainada barqaror farovonlikni ta’minlash bo‘yicha masalalarni muhokama qildi.
