Davlat xaridlarida 1,4 mlrd so‘mlik qonunbuzarlik fosh etildi
Tibbiyot va sud tizimidagi xaridlarda qonun talablariga zid holatlar topildi.
Korrupsiyaga qarshi kurashish agentligi tomonidan o‘tkazilgan tekshiruvlar jarayonida umumiy qiymati qariyb 1 milliard 400 million so‘m bo‘lgan uchta davlat xaridi bo‘yicha qonunbuzarliklar aniqlandi.
Agentlik mutaxassislari tomonidan quyidagi holatlar fosh etildi:
tibbiyot muassasasi tomonidan 832 million so‘mlik xarid raqobat tamoyillariga zid ravishda amalga oshirilgan;
viloyat hokimligi tomonidan Xorazm shahrida “Yagona buyurtmachi” orqali o‘tkazilgan 298 million so‘mlik tender ochiqlik talablari buzilgan holda tashkil etilgan;
Oliy sud huzuridagi Jizzax shahar departamenti tomonidan amalga oshirilgan 253,5 million so‘mlik xarid amaldagi qonunchilik talablariga mos kelmagan.
Tekshiruv yakunlariga ko‘ra, tender g‘oliblarini aniqlash bo‘yicha tuzilgan bayonnomalar bekor qilindi hamda noqonuniy xaridlarning oldi olindi. Tegishli materiallar huquqni muhofaza qiluvchi organlarga yuborildi.
