Toshkent viloyati prokuraturasiga 4,5 mlrd so‘mga avtoturargoh quriladi
Viloyat hokimligi qarori bilan prokuratura uchun 0,93 gektar yer ajratildi.
Toshkent viloyati hokimligining 2025-yil 6-dekabr kuni e’lon qilingan hujjatiga ko‘ra, viloyat prokuraturasi tasarrufidagi 0,93 gektar maydonda avtoturargoh qurilishi uchun 4,5 milliard so‘m mablag‘ ajratiladi. Qaror viloyat byudjeti daromadlar rejasi ortiqcha bajarilgan qismi hisobidan moliyalashtirilmoqda.
Mazkur mablag‘ prokuratura binosi yonidagi yerda avtoturargoh barpo etish xarajatlariga yo‘naltiriladi. Hujjatda qayd etilishicha, prokuratura tomonidan tegishli xat bilan murojaat qilingach, hokimlik uni ko‘rib chiqqan va tasdiqlagan.
Qayd etish kerakki, ajratilgan mablag‘ miqdori jamoatchilikda muhokamalarga sabab bo‘lmoqda, chunki hatto ba’zi markaziy idoralarda ham bunday katta maydonga ega avtoturargoh mavjud emasligi aytilmoqda.
