Kuchli magnit bo‘roni yaqinlashmoqda
Ertaga 7 balli qizil darajadagi magnit bo‘roni kuzatilishi mumkin.
Ertaga Yerda kuchli — 7 ballik, to‘q qizil darajadagi magnit bo‘roni kuzatilishi ehtimol qilinmoqda. Mutaxassislarning aytishicha, bu faollik chorshanba kuni ham davom etishi mumkin. Odatda bunday holatlar vaqtincha aloqa, navigatsiya va elektr tizimlariga ta’sir ko‘rsatadi.
Magnit bo‘roni ayrim odamlarda o‘zini yomon his qilish, bosh og‘rig‘i, uyqu buzilishi, asabiylik yoki charchoqni kuchaytirishi mumkin. Shuning uchun shifokorlar bunday kunlarda sog‘liqdagi o‘zgarishlarga e’tiborli bo‘lishni tavsiya etadi.
Mutaxassislar bo‘ron davrida ko‘proq suv ichish, ortiqcha stressdan chetda bo‘lish va yetarli dam olishni maslahat bermoqda. Bu oddiy choralar organizmning keskin o‘zgarishlarga moslashishiga yordam beradi.
