Buxoro viloyatida ayol farzandlari bilan birga o‘zini cho‘ktirmoqchi bo'ldi
Ayol turmush o‘rtog‘i boshqa birovga uylanmoqchi ekanligini bildirganidan so‘ng, o‘z joniga qasd qilishga uringan.
Buxoro viloyatida ikki o‘g‘ilning onasi turmush o‘rtog‘i boshqa birovga uylanmoqchi ekanligini ma’lum qilganidan so‘ng, o‘z joniga qasd qilishga urindi. Voqea 9-mart kuni Yuzon mahallasida sodir bo‘lgan.
Ayol avvaliga to‘ng‘ich o‘g‘lini ariqchaga uloqtirgan, so‘ng kenja o‘g‘lini quchog‘ida suvga sakragan. Yo‘lovchilar to‘ng‘ich o‘g‘lini qutqarishga muvaffaq bo‘lgan, kenja o‘g‘lini esa ayol bilan birga suvdan olib chiqqan. Bolalar kasalxonaga yotqizilgan va hech qanday jiddiy jarohat olmagan.
Oliy sud matbuot xizmati xabariga ko‘ra, ayolga nisbatan O‘zbekiston Respublikasi Jinoyat kodeksining 97-moddasi 25-qismi 2-bandiga (“Ikki yoki undan ortiq shaxsni nochor holatda o‘ldirishga suiqasd qilish”) asosan jinoyat ishi qo‘zg‘atilgan. Sud ayolni to‘rt yilga ozodlikdan mahrum qilgan.
