Toshkentda “Aviasozlar” bozorida yong'in sodir bo'ldi
Hodisa oqibatida tan jarohati olganlar yo‘q.
13-dekabr kuni soat 01:30 da Toshkent shahri Yashnobod tumani Beshariq ko‘chasida joylashgan “Aviasozlar” bozori hududidagi ma’muriy binoda yong‘in sodir bo‘lgani to‘g‘risida Toshkent shahar Favqulodda vaziyatlar boshqarmasiga xabar kelib tushgan.
Mazkur xabarga asosan yong‘in-qutqaruv ekipajlari soat 01:34 da voqea joyiga yetib borgan va yong‘inni bartaraf etish ishlari olib borilgan.
Yong‘in 02:29 da qurshab olingan, 03:03 da to‘liq o‘chirilgan.
Hodisa oqibatida tan jarohati olgan fuqarolar haqida ma’lumot kelib tushmagan.
Ayni vaqtda vaziyat Toshkent shahar Favqulodda vaziyatlar boshqarmasi tomonidan to‘liq nazoratga olingan.
