Toshkentda 10 kun ichida yo‘l haqini to‘lamagan qariyb 3 ming yo‘lovchi jarimaga tortildi
Poytaxtda jamoat transportida to‘lov intizomini nazorat qilish reydlari kuchaytirildi.
Toshkent shahrida atigi 10 kun davomida jamoat transportida yo‘l haqini to‘lamagan qariyb 3 ming nafar yo‘lovchi maʼmuriy javobgarlikka tortildi. Bu haqda Transport vazirligi axborot xizmati maʼlum qildi.
Vazirlikka ko‘ra, yo‘l haqini to‘lamasdan harakatlanish holatlarini aniqlash maqsadida maxsus inspektorlar ishtirokida reyd tadbirlari muntazam o‘tkazilmoqda. Nazorat tadbirlari avtobus, metrobus va boshqa jamoat transporti turlarini qamrab olgan.
Transport vazirligi fuqarolarni belgilangan tartibga rioya qilishga chaqirib, yo‘l haqini o‘z vaqtida to‘lash jamoat transporti tizimini barqaror ishlashi va xizmat sifati oshishiga xizmat qilishini taʼkidladi. Reydlar kelgusida ham davom ettirilishi maʼlum qilindi.
