Sherzod Asadov Soliq qo‘mitasining yangi media studiyasi faoliyati bilan tanishdi
Soliq qo‘mitasida 2026-yilga mo‘ljallangan kommunikatsion loyihalar taqdim etildi.
Bugun, 16-dekabr kuni Prezident Administratsiyasi Kommunikatsiyalar departamenti rahbari — Prezident matbuot kotibi Sherzod Asadov Soliq qo‘mitasida tashkil etilgan yangi media studiya faoliyati bilan tanishdi.
Tashrif davomida Soliq qo‘mitasi raisi Farrux Po‘latov hamda Jamoatchilik bilan aloqalar boshqarmasi boshlig‘i — matbuot kotibi To‘ra To‘rayev tomonidan studiyaning texnik imkoniyatlari, zamonaviy media infratuzilmasi va 2026-yilga mo‘ljallangan kommunikatsion loyihalar taqdimoti o‘tkazildi.
Uchrashuvda ommaviy axborot vositalari va raqamli platformalar orqali soliq siyosatini aholiga sodda, tushunarli va tezkor yetkazish masalalariga alohida e’tibor qaratildi. Prezident matbuot kotibi davlat organlarining ochiqligi va jamoatchilik bilan muloqotini kuchaytirishda media makonda proaktiv yondashuv muhimligini ta’kidladi.
Shuningdek, Sherzod Asadov aholi va tadbirkorlik subyektlari bilan samarali aloqalarni yo‘lga qo‘yishda zamonaviy kommunikatsiya vositalari, ijtimoiy tarmoqlar hamda raqamli kontent imkoniyatlaridan keng foydalanish zarurligini qayd etdi.
