Shavkat Mirziyoyev Yaponiyadagi o'zbeklar bilan uchrashdi
Prezident Tokio shahrida mehnat qilayotgan va tahsil olayotgan o‘zbekistonliklar bilan samimiy muloqot o‘tkazdi.
Rasmiy tashrif bilan Tokio shahriga kelgan Prezident Shavkat Mirziyoyevni Yaponiyada mehnat qilayotgan va tahsil olayotgan vatandoshlarimiz qizgʻin kutib oldi.
Davlatimiz rahbari ular bilan suhbatlashdi.
Mamlakatimizda amalga oshirilayotgan islohotlar, yurtdoshlarimizning orzu-umidlari, maqsad va rejalari haqida ochiq va samimiy muloqot boʻlib oʻtdi.
Prezidentimiz vatandoshlarimizga ishi va oʻqishida muvaffaqiyatlar tilab, ular kunchiqar yurtda orttirgan bilim va tajribalar Vatanimiz taraqqiyoti hamda xalqimiz farovonligiga xizmat qilishiga ishonch bildirdi.
