“O‘zmetkombinat” rahbariyati nomidan yolg‘on xabarlar tarqatilmoqda
Soxta axborotlar yuzasidan rasmiy bayonot berildi.
So‘nggi kunlarda Telegram messenjeri orqali “O‘zmetkombinat” aksiyadorlik jamiyati Boshqaruv raisi — Bosh direktor nomidan korxona faoliyati va xodimlariga oid turli mazmundagi yolg‘on axborotlar tarqatilayotgani aniqlanmoqda.
“O‘zmetkombinat” aksiyadorlik jamiyati mazkur xabarlar haqiqatga mutlaqo mos kelmasligini hamda jamiyat rahbariyati va uning rasmiy pozitsiyasini ifodalammasligini ma’lum qiladi. Ijtimoiy tarmoqlarda tarqalgan rasm va undagi matnlar soxta bo‘lib, korxona rahbariyati hamda uning rasmiy faoliyatiga hech qanday aloqaga ega emas.
Shu munosabat bilan “O‘zmetkombinat” aksiyadorlik jamiyati barcha xodimlar va keng jamoatchilikni faqat jamiyatning rasmiy axborot manbalari orqali e’lon qilinadigan ma’lumotlarga ishonishga, tasdiqlanmagan va shubhali xabarlarga aldanmaslikka hamda ularni tarqatmaslikka chaqiradi.
Ma’lumot uchun, jamiyat faoliyatiga oid rasmiy axborotlar faqat “O‘zmetkombinat” AJning rasmiy Telegram kanali va boshqa tasdiqlangan axborot resurslari orqali berib boriladi.
Mazkur holat yuzasidan amaldagi qonunchilik doirasida tegishli choralar ko‘rilmoqda.
