MIB xodimlari ehtiyojmand oilalarga Yangi yil sovg‘alari ulashmoqda
Mazkur tadbirlar davomida oilalarning turmush sharoiti o‘rganilib, ularning muammo va takliflari tinglanmoqda.
Yangi yil bayrami arafasida Majburiy ijro byurosi Namangan viloyati boshqarmasi tomonidan aholining ijtimoiy himoyaga muhtoj qatlamlarini qo‘llab-quvvatlash, ularning holidan xabar olish hamda bayram kayfiyatini ulashish maqsadida xayrli tashabbus amalga oshirildi.
Xususan, To‘raqo‘rg‘on tumanidagi Ibrat va Parosmon mahalla fuqarolar yig‘inida yashovchi kam taʼminlangan, yakka yolg‘iz va nogironligi bor oilalar holidan xabar olindi. Ularga kundalik ehtiyoj uchun zarur bo‘lgan oziq-ovqat mahsulotlari jamlamasi hamda Yangi yil sovg‘alari topshirildi.
Mazkur tadbir davomida oilalarning turmush sharoiti o‘rganilib, ularning muammo va takliflari tinglandi. Bu kabi ezgu ishlar aholi o‘rtasida mehr-oqibat, hamjihatlik va insonparvarlik tamoyillarini mustahkamlashga xizmat qiladi.
Majburiy ijro byurosi Namangan shahar va tumanlar bo‘limlari tomonidan bu kabi tadbirlar davom etmoqda.
