Mehribonlik uyida tarbiyalanuvchi bolajonlar uchun “Prezident archasi” bayram tadbiri bo’lib o’tdi
Tadbirda 11 125 dona shakllantirilgan Prezident sovg'alari bolajonlarga tuhfa etildi.
Ijtimoiy himoya milliy agentligi tomonidan Mehribonlik va muruvvat uylari tarbiyalanuvchilari, oilaviy bolalar uylarida tarbiyalanayotgan bolalar, shuningdek ota-ona qaramog'idan mahrum bo'lgan bolalar hamda yurtimiz tinchligi va osoyishtaligi yo'lida halok bo'lgan huquqni muhofaza qiluvchi organlar hodimlarining farzandlari uchun maxsus "Prezident archasi" tadbiri tashkil etildi.
Bayramda umumiy hisobda 11 125 dona shakllantirilgan Prezident sovg'alari bolajonlarga tuhfa etilib ular tarkibiga bolalarning ta'lim olishi va bo'sh vaqtini mazmunli o'tkazishiga xizmat qiluvchi 24 nomdagi o'quv qurollari, shuningdek bolajonlar sevib iste'mol qiladigan 34 nomdagi shirinlik mahsulotlari o'rin olgan.
Bayram oldi hududlarda bir qator tadbirlar tashkil etilgan bo'lib shu bilan birga O'zbekiston xalqaro forumlar saroyida ham "Ijtimoiy himoya milliy agentligi" tomonidan mehribonlik uyida yashovchi bolalar uchun tashkil etilgan bayramda bir qator spektakllar namoyish etilib bolalar tomonidan ijobiy kayfiyatda kutib olindi. Ijtimoiy himoya agentligi tomonidan mehribonlik uyi bolalarga viza karta ochilgani katta tuhfa boʻldi, 18 yoshga toʻlganda esa mustaqil hayot ostonasida turganda moliyaviy mustaqil boʻladi deydi 22-mehribonlik uyi xodimasi. Bayramda Ijtimoiy himoya milliy agentligi direktorining birinchi oʻrinbosari Shaxnoza Mirziyoyeva ham ishtirok etib bolajonlar bilan birgalikda spektakl namoyishini tomosha qildi. Himoyaga muhtoj bo'lgan bolalar uchun "Prezident archasi" tadbiri ijodiy chiqishlarga boy bo'lib tomoshabinlar qalbidan chuqur o'rin oldi.
