Qozog‘istonning sobiq prezidenti Nazarboyev Putin bilan uchrashdi. Tafsilotlar nega yopiq?
Sobiq prezdentining tashrifidan asl maqsad Qozog‘istondagi ichki siyosat va 2029 yilgi prezidentlik saylovi bo‘lishi mumkin.
Joriy yilning 27-dekabrdan 28-dekabrga o‘tar kechasi Qozog‘istonning birinchi prezidenti Nursulton Nazarboyev Rossiya prezidenti Vladimir Putin bilan uchrashish uchun Kremlga bordi. Bu haqda Kreml matbuot xizmati eʼlon qildi . Biroq uchrashuv tafsilotlari haqida aniq maʼlumot eʼlon qilinmagan.
Tahlilchilarning fikricha, sobiq prezdentining tashrifidan asl maqsad Qozog‘istondagi ichki siyosat va 2029 yilgi prezidentlik saylovi.
Tahlilchilarga ko‘ra, hozirgi vaqtda Nazarbayev atrofida mamlakatdagi prezidentlik saylovi bo‘yicha ikkita variant muhokama qilinmoqda. Har ikkala variantda ham Nazarboyev Moskvani saylovlarga aralashmasligi va betaraf turishi muhim hisoblanadi.
Strategic Fokus Теlegramm kanalining yozishicha, yuqorida tilga olingan ssenariydan biri Nazarboyev Dariga Nazarbayevani prezidentlikka nomzod sifatida ilgari surishi mumkin. Bu variant Qozog‘istondagi ayrim siyosatchi va biznes doiralarini qo‘llab-quvvatlashi mumkin.
Ikkinchi ssenariyni esa, tahlilchilar noodatiy deya taʼriflagan. Chunki u yerda Nursulan Nazarbayevning o‘zi siyosatga yana qaytishi mumkin.
“Nazarboyevning Moskvaga borishidan asosiy maqsad — kelajakdagi saylovlar oldidan Rossiya bilan pozitsiyalarni kelishib olish, hech bo‘lmaganda Kremlning betarafligini taʼminlashdir. Bu tashrif tashqi siyosatdan ko‘ra ko‘proq Qozog‘iston kelajagi bilan bog‘liq ichki hisob-kitoblar bilan bog‘liq”, — deyiladi maqolada.
2024-yil Qozog‘iston prezidenti Qosim-Jo‘mart Toqayev “Ana tili” gazetasiga bergan intervyusida bunday uchrashuvlar tashabbuskori Nazarboyevning o‘zi bo‘lishini aytgan.
Toqayev sobiq prezident Moskva bilan axloqiy va siyosiy jihatdan yaqin aloqada ekanligini, chunki u Qozog‘iston SSR Vazirlar Kengashi raisi, partiya yetakchisi va keyinchalik suveren Qozog‘iston prezidenti bo‘lganini qo‘shimcha qildi. Bu Rossiya poytaxtiga tez-tez ish safarlarini anglatardi.
“Ular, ko‘rinishidan, eski do‘stlar va hamkasblar sifatida uchrashishgan, esda qoladigan narsalari bor. Bunday uchrashuvlarning tashabbuskori Nursulton Abishevich, uning uchun ular juda muhim”, — degan Toqayev.
Nursulton Nazaboyev va Putin uchrashuvi bu yil Ichida ikkinchi marta sodir bo‘lmoqda. Oldinroq u shu yilning may oyida ham uchrashishgan.
Rus nashrlarining yozishicha, Nazarboyev va Putin uchrashuvi 2024 yilda ham ikki marta bo‘lgan va bunday uchrashuvlar odatiy tusga kirmoqda.
