O‘zbekistonliklar 11 oyda ta’lim xizmatlariga 34 trillion so‘mdan ortiq mablag‘ sarfladi
Ta’lim xizmatlari bozori o‘tgan yilga nisbatan 8,8 foizga oshdi.
O‘zbekistonda 2025-yilning yanvar–noyabr oylarida ta’lim sohasidagi bozor xizmatlari hajmi 34,2 trillion so‘mni tashkil etdi. Bu haqda O‘zbekiston Respublikasi Milliy statistika qo‘mitasi ma’lum qildi.
Ma’lumotlarga ko‘ra, mazkur davrda ta’lim xizmatlari hajmi hududlar kesimida quyidagicha taqsimlangan:
- Qoraqalpog‘iston Respublikasi — 1 trillion so‘m;
- Andijon viloyati — 1,7 trillion so‘m;
- Buxoro viloyati — 1,7 trillion so‘m;
- Jizzax viloyati — 532,3 milliard so‘m;
- Qashqadaryo viloyati — 1,5 trillion so‘m;
- Navoiy viloyati — 438,5 milliard so‘m;
- Namangan viloyati — 1,7 trillion so‘m;
- Samarqand viloyati — 2,5 trillion so‘m;
- Surxondaryo viloyati — 1,2 trillion so‘m;
- Sirdaryo viloyati — 343,7 milliard so‘m;
- Toshkent viloyati — 1,6 trillion so‘m;
- Farg‘ona viloyati — 2,2 trillion so‘m;
- Xorazm viloyati — 1,1 trillion so‘m;
- Toshkent shahri — 16,6 trillion so‘m.
Qayd etilishicha, ta’lim sohasidagi bozor xizmatlari hajmi 2024-yilning mos davriga nisbatan 8,8 foizga oshgan.
