Qozog‘istonda maktab o‘quvchilari uchun sun’iy intellekt repetitorlari joriy etiladi
200 mingdan ortiq o‘qituvchi sun’iy intellekt bo‘yicha tayyorlanadi.
Qozog‘iston 2026–2026 yillarda ta’lim sohasiga sun’iy intellekt (SI) texnologiyalarini keng joriy etishni rejalashtirmoqda. Bu haqda Tengrinews.kz nashri xabar berdi.
Ta’lim vaziri o‘rinbosarining ma’lum qilishicha, mamlakatda raqamli profillarning milliy tizimi hamda Milliy ta’lim platformasini yaratish ishlari boshlangan. Ushbu maqsadda Milliy ta’lim ma’lumotlar bazasi modernizatsiya qilinib, elektron kundaliklar va jurnallarni o‘z ichiga olgan barcha LMS tizimlari uchun yagona ma’lumotlar omboriga aylantiriladi.
Xabarlarga ko‘ra, sun’iy intellekt agentlari o‘qituvchilarning kundalik ish yukini kamaytiradi, jumladan pedagogik kengashlar va hujjatlarni tayyorlashda yordam beradi.
2026/2027 o‘quv yilidan boshlab kichik maktablar uchun sinov hududlarida “Qazaq Digital Mektebi” loyihasi ishga tushiriladi. Mazkur loyiha doirasida sun’iy intellekt repetitorlari ham faoliyat yuritadi. 2026-yilga kelib esa 200 mingdan ortiq o‘qituvchi amaliy sun’iy intellekt ko‘nikmalariga ega bo‘lishi rejalashtirilgan.
Shuningdek, o‘quvchilar orasida sun’iy intellekt savodxonligini oshirish masalasiga alohida e’tibor qaratiladi.
Ma'lumot o‘rnida, 2026-yil Qozog‘istonda “Raqamlashtirish va sun’iy intellekt yili” deb e’lon qilingan.
