Erondagi namoyishlarda 35 kishi halok bo‘ldi
1200 dan ortiq fuqaro hibsga olingan.
Eronda davom etayotgan norozilik namoyishlari oqibatida halok bo‘lganlar soni 35 kishiga yetdi, 1200 dan ortiq fuqaro hibsga olindi.
Bu haqda HRANA huquqni himoya qilish tashkiloti maʼlum qildi deydi mediz.az nashri. Qayd etilishicha, huquq-tartibot organlari tomonidan jami 1200 nafardan ortiq namoyish ishtirokchisi qo‘lga olingan.
Maʼlumotlarga ko‘ra, halok bo‘lganlar orasida 29 nafar namoyishchi, to‘rt nafar voyaga yetmagan shaxs hamda ikki nafar xavfsizlik xizmati xodimi bor.
Mahalliy ommaviy axborot vositalari xabarlariga ko‘ra, so‘nggi 24 soat ichida norozilik namoyishlari faolligi pasaygan, zo‘ravonlik holatlari qayd etilmagan.
Eslatib o‘tamiz, Eronda norozilik namoyishlari 28 dekabr kuni milliy valyuta — rialning AQSH dollariga nisbatan keskin qadrsizlanishi ortidan boshlangan edi.
