Tibbiyot xodimlari uchun ipoteka kreditlarining 25 foizi davlat topmonidan qoplab beriladi
Uy-joy imtiyozi 2026-yil 1-yanvardan kuchga kirdi.
O‘zbekistonda sog‘liqni saqlash va farmatsevtika sohasida uzoq yillik mehnat qilayotgan xodimlarni qo‘llab-quvvatlash maqsadida yangi uy-joy imtiyozlari joriy etilmoqda. Bu haqda Sog‘liqni saqlash bosh boshqarmasi xabar berdi.
Unga ko‘ra, davlat ipoteka kreditlari bo‘yicha dastlabki to‘lovning bir qismini qoplab beradi.
Belgilangan tartibga muvofiq, davlat sog‘liqni saqlash muassasalarida kamida 15 yillik ish tajribasiga ega bo‘lgan 500 nafar tibbiyot va farmatsevtika xodimi ushbu imtiyozdan foydalanish huquqiga ega bo‘ladi. Ular uchun ipoteka krediti bo‘yicha dastlabki to‘lovning 25 foizi davlat tomonidan qoplanadi.
Ushbu imtiyoz 2026-yil 1-yanvardan boshlab kuchga kirdi.
