Toshkent aeroportidagi elektr uzilishlari Qo‘yliq podstansiyasidagi avariya bilan bog‘liq emas
Milliy elektr tarmoqlari “O‘zbekiston aeroportlari” bayonotini rasman rad etdi.
Toshkent aeroportida kuzatilgan elektr taʼminoti uzilishlari yuzasidan davlat idoralari o‘rtasida kelishmovchilik yuzaga keldi. “O‘zbekiston Milliy elektr tarmoqlari” AJ “O‘zbekiston aeroportlari” tomonidan ilgari surilgan, uzilishlar Qo‘yliq podstansiyasidagi avariya bilan bog‘liq degan maʼlumotni rasman rad etdi.
Maʼlum qilinishicha, elektr uzilishi aeroport tasarrufidagi kabel liniyasida yuzaga kelgan qisqa tutashuv oqibatida sodir bo‘lgan.
Qayd etilishicha, Toshkent aeroporti elektr energiyasini beshta kabel liniyasi orqali qabul qiladi. Ushbu liniyalarning to‘rttasi Qo‘yliq podstansiyasidan, bittasi esa Toshkent issiqlik elektr stansiyasidan tortilgan. Biroq, bu keng tarmoqning barchasi aeroportga tegishli va tizimdagi nosozliklar aynan o‘sha yerda boshlangan.
Maʼlumotlarga ko‘ra, elektr uzilishlari 2-yanvar kuni ikki kabel liniyasining bir vaqtning o‘zida ishdan chiqishi bilan boshlangan. Ulardan biri tezkor ravishda tiklangan bo‘lsa, ikkinchi liniyada taʼmirlash ishlari hali davom etmoqda. Vaziyat 4-yanvar kuni yana bir kabel liniyasining ishdan chiqqan va 5-yanvar kuni ishga tushirilgan.
