Samarqandda yosh kelin shifokor ukoli sabab vafot etdi
Holat yuzasidan Bosh prokuratura bayonot berdi.
Samarqand viloyati, Payariq tumanida 1992 yilda tug‘ilgan ayol shifokorlar tomonidan berilgan ukol natijasida vafot etganligi haqidagi xabarlar ijtimoiy tarmoqlarda tarqalmoqda.
Ushbu holat bo‘yicha Hayot Shamsutdinov munosabat bildirdi va marhumning o‘lim sabablarini aniqlash maqsadida prokuratura tomonidan tergovga qadar tekshiruv harakatlari olib borilayotganini ma’lum qildi.
Hozirda marhumga sud-tibbiiyot ekspertizasi tayinlangan. Tekshiruv harakatlari har tomonlama, to‘liq va holisona o‘tkazilib, natijasi bo‘yicha qonuniy qaror qabul qilinishi aytilmoqda.
