Andijonda 22 yoshli qiz o'zini ko‘prikdan tashlamoqchi bo'ldi
Ushbu holatga psixoemotsional muammolar sabab bo‘lgan.
Ijtimoiy tarmoqlarda Andijon shahrida bir qizning ko‘prikdan sakrab o‘z joniga qasd qilishga urinayotgani aks etgan video tarqaldi. Holat yuzasidan huquqni muhofaza qilish organlari rasmiy izoh berdi.
Andijon viloyati Ichki ishlar boshqarmasi matbuot xizmati ma’lumotiga ko‘ra, voqea bugun, 14-yanvar taxminan soat 08:00 da Navoiy shoh ko‘chasida joylashgan ko‘prikda sodir bo‘lgan. Andijon tumanida yashovchi, 22 yoshli fuqaro ko‘prikka chiqib, o‘z joniga qasd qilish niyatida bo‘lgani aniqlangan.
Dastlabki ma’lumotlarga ko‘ra, ushbu holatga psixoemotsional muammolar sabab bo‘lgan. Xabar kelib tushishi bilan huquqni muhofaza qilish organlari xodimlari voqea joyiga zudlik bilan yetib kelgan. Xodimlarning tezkor va muvofiqlashtirilgan harakatlari natijasida fojianing oldi olingan.
Hozirda mazkur holat yuzasidan prokuratura organlari tomonidan tergovga qadar tekshiruv ishlari olib borilmoqda.
Avvalroq, Termizda 22 yoshli yigit 16-qavatdan sakrab o'z joniga qasd qilgan edi.
