Rossiyada 400 ga yaqin migrant qo‘lga olindi

 

 

Sankt-Peterburg politsiyasi X5 Retail Group tarmog‘idagi “Pyaterochka” va “Perekrestok” do‘konlari hamda tarqatish markazida reydlar o‘tkazdi. Tekshiruvlar davomida jami 1 414 politsiya xodimi jalb qilinib, 139 chakana savdo nuqtasi va Moskva shossesidagi logistika markazi tekshirilgan. Bu haqda Tsargrad nashri xabar berdi.

 

Natijada, jami 570 nafar migrant ishchi tekshirilib, ularning 400 ga yaqin qismi politsiya bo‘limlariga olib ketilgan. Ko‘pchilik migrantlar ro‘yxatdan o‘tmagan yoki ish ruxsatnomalari muddati o‘tganligi aniqlangan.

 

Reydda, tarqatish markazidagi 87 ta transport vositasi va 380 nafar chet el fuqarosi tekshirilgan. 95 kishi politsiya bo‘limlariga xabar qilinib, ma’muriy bayonnomalar tuzilgan. Aksariyat holatlar Rossiyada bo‘lish qoidalarini buzish bilan bog‘liq bo‘lib, ayrim migrantlar ish ruxsatnomalarisiz ishlayotgani ma’lum bo‘lgan.

 

Shuningdek, tekshiruvlar davomida CityMall savdo markazida xavfsizlik xodimlari va xaridor o‘rtasida janjal sodir bo‘lib, 24 yoshli yigit bo‘g‘ib qo‘yilishi natijasida vafot etgan. Dastlab ehtiyotsizlikdan o‘lim deb baholangan voqea, keyinchalik “bir guruh shaxslar tomonidan sodir etilgan qotillik” sifatida qayta tasniflandi. Shu voqea ortidan bir necha xususiy qo‘riqchi hibsga olindi va ularga qarshi jinoiy ish qo‘zg‘atildi.