Rossiyada qarovsiz qolgan olti nafar bola O‘zbekistonga qaytarildi
O‘zbekiston Bolalar ombudsmani Rossiya Federatsiyasi Bolalar ombudsmaniga murojaat qilib, bolalarni vatanga qaytarish jarayonida amaliy yordam so‘ragan.
Rossiyaning turli hududlarida qarovsiz qolib ketgan 6 nafar voyaga yetmagan bola O‘zbekistonga qaytarildi. Bu haqda Bolalar ombudsmani ma’lum qildi.
Qayd etilishicha, O‘zbekiston Bolalar ombudsmani Rossiya Federatsiyasi Bolalar ombudsmaniga murojaat qilib, bolalarni vatanga qaytarish jarayonida amaliy yordam so‘ragan. Bolalar O‘zbekistonga olib kelinguniga qadar Rossiyadagi bolalar muassasalarida vaqtincha joylashtirilgan.
Rossiya tomoni zarur shart-sharoitlarni ta’minlagan. 2026-yil 1-fevral kuni Ichki ishlar vazirligi vakillari hamrohligida 2 nafar bola Sankt-Peterburgdan, 1 nafardan Moskva shahri, Moskva viloyati, Qozon shahri va Kabardin-Balkar Respublikasidan O‘zbekistonga qaytarilgan.
