Samarqandda MIB banklar foydasiga 562 mlrd so‘m undirdi
Shu tariqa 43 794 ta ijro hujjati tamomlangan.
Majburiy ijro byurosining Samarqand viloyat boshqarmasi tomonidan o‘tgan yil davomida banklar foydasiga undiruv bilan bog‘liq ijro hujjatlari ijrosini taʼminlash bo‘yicha samarali ishlar amalga oshirildi.
Jumladan, 91 309 ta ijro hujjati bo‘yicha 2,3 trln so‘mga yaqin qarzdorliklarni undirish maqsadida ijro tadbirlari o‘tkazildi. Natijada 60 204 ta ijro hujjati bo‘yicha 1,3 trln so‘mlik yakuniy qarorlar qabul qilindi.
Shundan 43 794 ta ijro hujjati bo‘yicha 562 mlrd so‘mdan ortiq mablag‘ amalda undirilib, banklar foydasiga yo‘naltirildi.
Qarzdorlikni undirishni taʼminlash maqsadida qarzdorlarga tegishli 1 715 ta mol-mulk xatlanib, umumiy qiymati 636,6 mlrd so‘mni tashkil etgan ushbu mol-mulklar auksion savdolariga chiqarildi.
Majburiy ijro byurosi Samarqand viloyat boshqarmasi tomonidan sud hujjatlari ijrosini taʼminlash va kreditorlar manfaatlarini himoya qilishga qaratilgan ishlar izchil davom ettirilmoqda.
