15 million o‘zbekistonlikning shaxsiy maʼlumotlari sizdirilgani aytilmoqda
Hukumat tizimlaridan kamida 15 million O‘zbekiston fuqarosining shaxsiy maʼlumotlari o‘g‘irlanib, Dark Webga joylashtirilgani haqida xabarlar tarqaldi.
Ijtimoiy tarmoqlar va ayrim manbalarda hukumat tizimlaridan kamida 15 million O‘zbekiston fuqarosining shaxsiy ma’lumotlari o‘g‘irlanib, Dark Webga joylashtirilgani haqida xabarlar tarqaldi. Ma’lumotlarga ko‘ra, bazada shaxsni tasdiqlovchi hujjatlar va boshqa shaxsiy axborotlar mavjud bo‘lishi mumkin.
Kiberxavfsizlik markazi mazkur xabarlarni o‘rganmoqda. Hozirda holat yuzasidan tekshiruvlar olib borilmoqda va qo‘shimcha ma’lumotlar taqdim etilishi rejalashtirilgan.
"Shaxsiy ma’lumotlaringizni boshqa shaxslarga oshkor etmang. Davlat va boshqa elektron axborot tizimlariga kirishda murakkab login va parollardan foydalaning, shubhali havolalar orqali o‘z ma’lumotlaringizni kiritishdan saqlaning" - deyiladi xabar matnida.
