Klintonlar Epstein ishi bo‘yicha Kongress qo‘mitasida guvohlik berishga rozi bo‘ldi
AQSh sobiq prezidenti Bill Klinton va uning rafiqasi bu qarorni Kongressni hurmat qilmaslik aybi bilan hibsga olinishi ehtimoli fonida qabul qildi.
AQShning sobiq prezidenti Bill Klinton va sobiq davlat kotibi Hillari Klinton moliyachi Jeffri Epshteyn ishi bo‘yicha AQSh Vakillar palatasining Nazorat qo‘mitasi oldida guvohlik berishga rozi bo'ldi. Bu haqda Bill Klintonning matbuot kotibi Anxel Urena ijtimoiy tarmoqlarda ma’lum qildi deydi RBC.
Uning so‘zlariga ko‘ra, sobiq prezident va sobiq davlat kotibi qo‘mita majlisida ishtirok etishga tayyor bo‘lib, bu jarayon ommaviy ahamiyatga ega bo‘lgan muhim pretsedent bo‘lishi kutilmoqda.
Avvalroq Klintonlar Kongress tomonidan yuborilgan chaqiruv qog‘ozlarini “noto‘g‘ri va qonuniy kuchga ega emas” deb atagan edi. Yanvar oyida rejalashtirilgan guvohlik berish jarayoni amalga oshmaganidan so‘ng, Vakillar palatasi qo‘mitasi ularni chaqiruvga bo‘ysunmaganlik uchun hurmatsizlik sifatida ko‘rib chiqish bo‘yicha ovoz bergan.
Jeffri Epshteyn 2008-yilda fohishalikni tashkil etishda aybini tan olgan, 2019-yilda esa voyaga yetmaganlarni jinsiy ekspluatatsiyaga undash ayblovi bilan yana hibsga olingan edi. O‘sha yilning avgust oyida u sud jarayonidan oldin qamoqxonada vafot etgan. Uning sherigi Gislen Maksvell hozirda jinsiy ekspluatatsiyaga yordam berganlik uchun 20 yillik qamoq jazosini o‘tamoqda.
Avvalroq e’lon qilingan hujjatlar va fotosuratlarda Epshteyn atrofidagi ayrim taniqli shaxslarning ismlari tilga olingan. Klintonlar vakillari esa sobiq prezident Epshteyn bilan aloqalarni uning jinoyatlari oshkor bo‘lishidan ancha oldin uzganini ta’kidlab kelmoqda.
