Ramazon oyi 19-fevralda boshlanadi — Qirgʻiziston va Qozogʻiston muftiylari
Qurbon hayiti bayrami 27–29 may kunlariga to‘g‘ri kelmoqda.
Qirgʻiziston musulmonlari diniy boshqarmasi 2026-yilda Ramazon oyining 19-fevralda boshlanishini eʼlon qildi. Shu sanada roʻza tutishning birinchi kuni ham boshlanadi.
Tegishli qaror Turkiy davlatlar tashkilotiga a'zo davlatlar muftiylari qoshidagi Fatvo kengashi tomonidan Samarqand shahrida bo‘lib o‘tgan yig‘ilishda qabul qilingan.
Muftiyat maʼlumotlariga koʻra, birinchi taroveh namozi 18-fevral oqshomida respublikadagi barcha masjidlarda oʻqiladi va Ramazon davomida har kuni o‘qilishi davom etadi.
Qozogʻistonda Ramazon ro‘zasi ham 19-fevraldan boshlanadi. Muqaddas oy 29 kun davom etadi, Qadr kechasi esa 16–17-mart kunlari oralig‘iga to‘g‘ri keladi. Iyd al-Fitr bayrami 20-mart, juma kuni nishonlanadi.
Hijriy oylarning boshlanishi xalqaro astronomik tadqiqot markazlarining maʼlumotlari asosida aniqlangan, biroq yangi oyning ko‘rinishiga qarab bayramlar sanasi bir kun oldinga yoki orqaga surilishi mumkin.
Shuningdek, Qurbon hayiti bayrami 27-may kuni boshlanadi va 29-maygacha davom etadi.
