Shavkat Mirziyoyev Islomoboddagi terakt munosabati bilan ta’ziya yo‘lladi
Prezident Pokiston rahbariyatiga hamdardlik bildirib, jarohatlanganlarning tez fursatda sog‘ayib ketishini tiladi.
O‘zbekiston Prezidenti Shavkat Mirziyoyev Islomobod shahrida sodir etilgan terrorchilik harakati oqibatida ko‘plab insonlar halok bo‘lgani munosabati bilan Pokiston Prezidenti Asif Ali Zardoriy va Bosh vazir Shahboz Sharifga ta’ziya maktubi yo‘lladi.
Davlat rahbari Pokiston xalqiga, marhumlarning oila a’zolari va yaqinlariga chuqur hamdardlik bildirib, jarohatlanganlarning tezroq sog‘ayib ketishini tiladi.
Ma’lumotlarga ko‘ra, 6-fevral kuni Islomoboddagi Xadijatul Kubro masjidida juma namozi vaqtida sodir bo‘lgan portlash oqibatida kamida 31 kishi halok bo‘lgan, 169 kishi esa jarohat olgan.
Pokiston rasmiylari hodisani terrorchilik harakati sifatida baholab, voqea yuzasidan tergov ishlari olib borilayotganini ma’lum qildi.
