Andijonda pichoqbozlik bo’ldi
Hodisa oqibatida o’smir yigit vafot etgan.
Avvalroq Zamon.uz Andijon viloyatida pichoqbozlik sodir bo‘lgani haqida xabar bergan edi. Mazkur holat yuzasidan Bosh prokuror matbuot kotibi Hayot Shamsutdinov rasmiy ma’lumot berdi.
Unga ko‘ra, hodisa 2026-yil 6-fevral kuni Andijon viloyatining Buloqboshi tumanida yuz bergan. 17 yoshli o‘smir o‘zining tanishi bilan avval yuzaga kelgan kelishmovchilik sabab janjallashgan va xo‘jalik pichog‘i bilan tan jarohati yetkazgan.
Oqibatda jabrlanuvchi voqea joyida vafot etgan.
Mazkur holat yuzasidan Jinoyat kodeksining 97-moddasi (qasddan odam o‘ldirish) bilan jinoyat ishi qo‘zg‘atilgan. Gumonlanuvchi voyaga yetmagan shaxs protsessual tartibda ushlangan.
Hozirda tergov harakatlari davom etmoqda.
